«Нұрсұлтан Назарбаевтың білім беру қоры» Қоғамдық қорының филиалы Алматы қаласының «Мирас» балабақшасы 2014 жылдың қыркүйек айында ашылды.

«Мирас» бөбекжай-бақшасының ерекшелігі оның отандық және халықаралық бала тәрбиесі бойынша әдістемелерінің негізінде қалыптасқан біріккен бағдарламаны енгізуінде.
Баланың сауықтыру және дамыту кешендік бағдарламасына
дене шынықтыру, жүзу және хореография сияқты сабақтар кіреді.
Бөбекжай-бақшада балалардың сырқаттануын азайту мақсатында емдік-профилактикалық шаралар, яғни тамақ мұрын ультракүлгін сәулесі, массаж, физиологиялық емдеу, ауамен шынықтыру шаралары іске асырылады.

Бөбекжай-бақшаның тәрбиешілері әр шәкіртінің шығармашылық белсенділігін дамытып әрі ынталандырып, әр-бір баланың суретші,ақын болып, өз шығармашылық бастамасын ұжымдық және жеке күйде орындай алатындай болып өсуіне жағдай жасауда.
Отбасымен жұмыс жасау кезінде бөбекжай-бақша ұстаздары «Тек ата-анамен тығыз байланыста болу баланың даму жолында оңтайлы нәтиже бере алады» деген қағиданы ұстанады.