Бөбекжай - бақшамызда ата-аналар мен балаларға арналған мазмұнды әрі танымдық іс-шара - Ашық есік күні өткізілді.

 

Ата - аналар «Менің анам – педагог» жобасына белсенді қатысып, өздерін тәрбиеші ретінде сынап көрді. Олар балалармен түрлі тақырыпта сабақтар өткізіп, тәжірибе алмасты, балаларына шабыт пен қолдау көрсетті.

  Көпшілік қызығушылығын тудырған бөлім - аспаздық шеберлік сағаты болды. Онда ата - аналар балаларымен бірге пицца мен печенье пісіріп, жағымды көңіл күй сыйлады.

   Іс - шара аясында түрлі бағыттағы белсенділіктер ұйымдастырылды:

спорттық эстафеталар,

робототехника және шахмат сабақтары,

аквагрим, футболка мен шоперге сурет салу,

ұлттық ойындар, асфальтқа сурет салу.

    Сонымен қатар, педагог - психолог ата - аналар үшін құм терапиясы бойынша шеберлік сабағын өткізіп, эмоционалдық байланыс орнату және

тану бағытында пайдалы кеңестермен бөлісті.

   Іс - шараның соңы - балалардың күнделікті мәзіріндегі тағамдардан тұратын достық дастарханына ұласты. Ата-аналар ұсынылған тағамдардың дәмі мен сапасына оң баға берді.

    Бұл күн «Мирас» бөбекжай - бақшасының үлкен де тату ұжымында балаларды, ата - аналарды және педагогтарды біріктірген нағыз бірлік, сенім және мейірімділік мерекесіне айналды.