Үстіміздегі жылдың маусым айының 29 жұлдыз күні «Мирас» бөбекжай бақшасында Домбыра күніне арналған мерекелік іс-шара өтті. Бұл шара алдымен «Домбыра туралы аңыз» атты қойылымынан басталды, содан кейін бүлдіршіндер әдемі концертке куә болды. Концертте Құрманғазы атындағы Ұлттық консерваториясының түлегі, домбырашы, республикалық байқаулардың лауреаты , «Балауса» домбырашылар ансамблінің көркемдік жетекшісі Югай Г.В. өнер көрсетіп, балаларды домбыра өнерімен тамсандырды. Бұндай өнер майталмандарын шақыру шаралары біздің бөбекжай бақшамызда жақсы дәстүрге айналады деп сенеміз.

Мерекелік іс-шара «Ақсақ-құлан» мультфильмнің көрсетілімімен тәмамдалды. Бүлдіршіндер «Домбыра күні»-не арналған іс-шарадан жақсы әсер алып, домбыра жайлы әңгімені көпке шейін сөз етті.